Naipasidong ti Filipinas iti state of national of emergency babaen ti bileg ti Executive Order (EO) No. 110 nga impaulog ni Presidente Marcos Jr. idi Marso 24, maigapu iti gubat iti Middle East a nangapektar iti kinatalged ken suplay ti lana ti pagilian.
Maibasar iti EO 110, agpaut iti makatawen ti state of national of emergency iti pagilian.
Segun ken ni Marcos, agpeggad ti suplay ti enerhia ti pagilian no agtultuloy ti gubat iti Middle East.
Ti pannakaideklarar iti state of national energy emergency ti mangted iti naan-anay a karbengan iti gobierno a mangipatungpal kadagiti pamuspusan tapno mataming dagiti pagpeggadan nga epekto ti pannakasinga ti suplay ti enerhia iti sangalubongan ken iti lokal nga ekonomia.
Babaen ti EO 110, mabukel ti Unified Package for Livelihoods, Industry, Food, and Transport (UPLIFT) Committee a mangtaming iti kinatalged ti suplay ti enerhia iti pagilian, pannkaipaay iti kaspaulan a serbisio, pannakaitultuloy ti aktibidad ti ekonomia, ken ti pagimbagan dagiti umili, nangruna dagiti marigrigat a sektor.
Dati a sekretario ti DILG Sarmiento, nadutokan a baro nga adviser ti OPAPRU
Idaluan ni Marcos daytoy a komite a pagkamengan ti Executive Secretary, dagiti daulo ti nadumaduma a dapartamento kas iti Department of Energy (DOE), Transportation (DOTr), Social Welfare and Development (DSWD), Agriculture (DA), Finance (DOF), Economy, Planning, and Development (DEPDev), ken Budget and Management (DBM).
Maysa kadagiti annongen ti UPLIFT Committee ti panangmonitor ken panangsigurado iti kaadda ti suplay, pannakaiwaras, ken kaadda ti taraon, agas, produkto agrikultural, ken dadduma pay a kasapulan a produkto. (Betheena Unite/Manila Bulletin//Lito Hilidon/Bannawag)
