Naipaayan iti libre nga anteohos ti aganay a 50 nga umili iti Santa, Ilocos Sur babaen ken ni Dr. Imelda B. Garcia iti pannakitinnulong ni Mayor Jeremy Jesus Bueno III.
“Saan a napaidaman ken napukawan iti namnama, agtultuloy a maapresiar dagiti kailiantayo ti kinangayed ti aglawlaw ken ti Ina a Daga, babaen ti tulong ni Dr. Garcia, naipaayan iti aganay a 100 a paris ti anteohos dagiti kailiantayo,” kinuna ni Mayor Bueno.
Babaen ti pannakaipaay ti libre nga anteohos, adu kadagiti umili ti naragsakan ta makapaggaraw ken maaramidda met laengen dagiti normal a trabahoda nangruna dagiti pamastrekanda.
Ti nasao a gannuat ket paset pay laeng ti PASPAS Santa Primary Healthcare Facility (RHU) ti LGU Santa nga agtultuloy a mangitag-ay iti kasasaad dagiti umili babaen ti pannakitakunaynay dagiti pribado nga indibidual. (MARILYN C. CONTILLO)
