Nagsao ni Ako Bicol Party-list Rep. Alfredo Garbin Jr. maipanggep ken ni dati a kongresman Zaldy Co, a naarestar iti Czech Republic kalpasan ti dandani makatawen a pananglibasna kadagiti autoridad ti Filipinas.
Ni Co ti maysa kadagiti kangrunaan a personalidad a nairaman iti naanomalia a flood control project.
"Namnamaek nga ibutaktakna ti amin. Adu pay ti saanna a naibaga," kinuna ni Garbin, a kameng ti mayoria a kaaliado ti administrasion iti Kamara.
Idi Abril 16, inwaragawag ni Presidente Marcos Jr. a nakemmeg ni Co iti Prague, Czech Republic kalpasan ti pananggandat daytoy a sumrek iti pagilian nga awan ti umisu a dokumentona.
Ngem inlawlawag ni Garbin nga agpannuray ti ibutaktak ni Co iti lebel ti wayawaya nga ipaay kenkuana ti administrasion ni Marcos no makasublin iti Filipinas daytoy.
Saan a dakes ti manggun-od iti maikadua nga opinion mainaig iti salun-at ni Marcoleta -- PNP
Idi Nobiembre 2025, nangipaskil ni Co kadagiti video mainaig ken ni Marcos ken ti administrasionna, ket kinunana nga immawat ti presidente iti kickback manipud iti naanomalia a flood control project. (Ellson Quismorio/Manila Bulletin//Lito Hilidon/Bannawag)
