Intuding ti Department of Education (DepEd) a maluktan manen dagiti eskuela into Hunio 8 para iti School Year (SY) 2026–2027, segun iti baro nga iskediul ti kalendario ti pagadalan a maitunos iti DepEd Order No. 009, series 2026 a naipaulog idi Abril 16.
Adda 201 nga aldaw ti klase iti baro nga SY a buklen ti tallo a term (quarter), kas maitunos iti direktiba ti DepEd, ket agpatingga ti klase inton Abril 8, 2027.
Kinuna ti DepEd a dagitoy a panangbalbaliw ket maitunos iti Eight-Point Socioeconomic Agenda a programa ni Presidente Marcos Jr. ken iti Five-Point Reform Agenda ti DepEd.
Segun iti DepEd, mabalin a maipaulog dagiti kasapulan a panagbaliw no bilang ta adda mapasamak a di ninamnama, idinto a mairuar ti iskediul dagiti tinawen nga aktibidad sakbay a mangrugi ti klase.
Mabalin met nga adaptaren dagiti pribado a pagadalan, Philippine Schools Overseas (PSOs), ken state and local universities and colleges (SUCs and LUCs) ti Three-Term School Calendar para iti kangrunaan nga edukasion, no la ketdi tungpalenda dagiti naituding a bilang ti aldaw ti klase ken ti pannakairugi ti klase kas maitunos iti Republic Act No. 7797, nga inamendaran ti Republic Act No. 11480. (Dhel Nazario/Manila Bulletin//Lito Hilidon/Bannawag)
