Pinatalgedan ti Appeals Chamber ti International Criminal Court (ICC) ti pangngeddeng ti Pre-Trial Chamber I (PTC I) nga adda hurisdiksion ti ICC iti kaso ni dati a presidente Rodrigo Duterte.
Impaulog ti Appeal Chamber ita nga aldaw, Abril 22, ti pangngeddengda a nangilaksid iti apelar ni Duterte mainaig iti hurisdiksion ti ICC iti kasona a crimes against humanity.
Segun ken ni presiding judge ti Appeals Chamber Luz del Carmen Ibáñez Carranza, inlaksidda ti apelar ti depensa ta awan ti nakitada a biddut iti pangngeddeng ti PTC I idi Oktubre 23 2025, a mangitunda iti pannakaitultuloy ti proseso.
Kameng ti Appeals Chamber da Judge Tomoko Akane, Solomy Balungi Bossa, Gocha Lordkipanidze, ken Erdenebalsuren Damdin.
Saan a dimmar-ay ni Duterte iti pannakaipaulog ti desision ti Appeals Chamber, ket ni abogadona a Nicholas Kaufman ti nangibagi kenkuana. (Argyll Cyrus Geducos/Manila Bulletin//Lito Hilidon/Bannawag)
