Pinatalgedan ti International Criminal Court (ICC) dagiti amin a darum a maibusor ken ni dati a presidente Rodrigo Duterte, a mangitunda iti pannakabista ti kasona a crimes against humanity mainaig iti anti-drug campaign ti adminitrasionna.
Rimmuar ti desision ti Pre-Trial Chamber I (PTC-I) kalpasan a naipaulog ti desision ti Appeals Chamber mainaig iti hurisdiksion ti ICC iti kaso ni Duterte.
Segun iti 50 a panid a pangngeddeng ti PTC I, adda umdas a pagibasaran tapno patien nga inaramid ni Duterte dagiti krimen a nakaidarumanna.
Nakasentro ti kaso ni Duterte iti crimes against humanity, kangrunaan ti pammapatay ken gandat a panangpapatay, kas paset ti mapapati a nasaknap ken sistematiko a panangatakar kadagiti sibilian.
Inlawlawag ti PTC-I a ti pannakakompirmar ti kaso, kaipapananna nga adda umdas nga ebidensia tapno maitunda iti pannakabista ti kaso, nga isunto ti pakakitaanda no nakabasol ni Duterte wenno saan. (Argyll Cyrus Geducos/Manila Bulletin//Lito Hilidon/Bannawag)
