Indatag ni Manases R. Carpio, asawa ni Bise Presidente Sara Duterte, ti kaso a kriminal kontra ken ni daulo ti Anti-Money Laundering Council (AMLC) Eli M. Remolona Jr., ken iti Bangko Sentral ng Pilipinas (BSP) Governor, executive director ti AMLC, ken uppat a kameng ti Kamara.
Impila ni Carpio iti Prosecutor’s Office ti Quezon City ita nga aldaw, Abril 27, ti kaso a panaglabsing iti Republic Act No. 9160, wenno ti Anti-Money Laundering Act; ti RA 1405, wenno ti Bank Secrecy Law; ken iti RA 10173, wenno ti Data Privacy Act.
Mainaig daytoy iti kaso nga impeachment kontra ken ni VP Duterte a tamtamingen ti Committee on Justice ti Kamara.
Malaksid ken Remolona, naidarum met da AMLC Executive Director Ronel U. Buenaventura, dagiti kongresman a da Gerville Reyes-Luistro a daulo ti Committee on Justice, Percival P. Cendana, Jose Manuel T. Diokno, ken Leila M. de Lima.
Segun ken ni Carpio, nagkukomplot dagiti naidarum a nangiparang ken nangibutaktak iti publiko dagiti maipagarup a report ti banko iti AMLC mainaig kadagiti deposito iti account-na, pannakairuar ti kuarta, balanse iti banko, ken mainaig a dokumento, nga awan ti pakaammoda, wenno pammalubosna, ken iti laksid ti panangsupiatna iti daytoy.
Balido latta ti warrant of arrest ni Dela Rosa --Malakanyang
Maibasar iti paglintegan, kitaen pay nga umuna dagiti prosecutor no masapul a maimbestigaran daytoy ket kiddawendanto kadagiti naidarum a mangidatag iti counter affidavit-da iti panangrugi iti preliminary investigation a mangikeddeng no rumbeng a mawaswas wenno maidatag ti kaso iti korte. (Rey G. Panaligan/Manila Bulletin//Lito Hilidon/Bannawag)
