Inwarawag ti Malakanyang ita nga aldaw, Abril 28, nga addan iti France ni dati a kongresman Zaldy Co, ket agkidkiddaw iti political asylum sadiay.
Daytoy ti kinuna ni Undersecretary ti Presidential Communications Office (PCO) Claire Castro maibasar iti mapagtalkan nga impormasion a naalada manipud iti Department of Foreign Affairs (DFA).
Segun ken ni Castro, napatalgedanen nga awanen iti sidong ti Czech Republic ni Co ket adda itan iti sidong ti gobierno ti France.
Kinuna ni Castro nga agkidkiddaw ni Co iti political asylum ken dinakamatna ti "political persecution" a kas rason iti kiddawna.
Innayon ni Castro a makipatang ni Presidente Marcos iti Embahador ti France iti Filipinas mainaig iti kasayaatan nga aramidenda tapno maisubli ni Co iti pagilian. (Betheena Unite/Manila Bulletin//Lito Hilidon/Bannawag)
