Inwaragawag ti International Criminal Court (ICC) ti pormal a pannakabukel ti Trial Chamber a mangtaming iti kaso ni dati a presidente Rodrigo Duterte, maysa a kangrunaan nga addang iti panagrugi ti pannakabista ti kasona a crimes against humanity mainaig iti insayangkatna a kampania kontra iti droga.
Iti pangngeddeng ti ICC Presidency idi Abril 24, buklen ti Trial Chamber ti tallo a hues: da Judge Joanna Korner, Judge Keebong Paek, ken Judge Nicolas Guillou.
Kalpasan daytoy, manamnama a mangangay ti Trial Chamber kadagiti komperensia ken pannakiuman kadagiti prosekusion ken iti depensa, tapno pagsasaritaanda ti proseso ken iskediul ti pannakabista tapno masigurado a patas ken napartak a proseso.
Sipud idi naarestar ken naipan ni Duterte iti The Hague, saanen a a nagparparang daytoy iti publiko, malaksid iti naangay a court appearance-na idi Marso 2025 babaen ti video link.
Maibasar iti Rome Statute, masapul a pisikal a dar-ayan ni Duterte ti pannakabista ti kasona, kayatna a sawen, masapul nga agparang ni Duterte iti korte apaman a pormal a marugian ti pannakabista ti kasona. (Merlina Hernando-Malipot/Manila Bulletin//Lito Hilidon/Bannawag)
