Simmarungkar ni King Charles III iti White House iti Estados Unidos (US) idi Abril 28, bayat nga agpegpeggad ti relasionda iti Atlantiko ken kinatalged ti kangrunaan a pakaseknan.
Pinasangbay da US President Donald Trump ken first lady Melania Trump da King Charles ken Queen Camilla apaman a simmangpetda, nagparetrato ken nagsasaritada bassit sakbay nga immunegda iti Green Room.
Kalpasan daytoy, dimmar-ay ti royal couple iti garden party iti Embahada ti Britania.
Rimsua ti risiris iti baet ti gobierno ti United Kingdom (UK) ken Trump gapu iti nadumaduma nga isyu agraman ti gubat iti Iran.
Itay kallabes, binabalaw ni Trump ni UK Prime Minister Keir Starmer gapu iti panagkedked ti UK a makipaset iti panangraut ti militar ti US iti Iran.
Pannakakemmeg ni Sen. Dela Rosa, imbilin ti DOJ; PNP, pinagtignay ni DILG Sec. Remulla
Inton Martes, dumar-ay da Charles ken Camilla iti pormal nga state dinner a maangay iti White House. (The Associated Press/Manila Bulletin//Lito Hilidon/Bannawag)
