Maekspektar a sumrek iti Area of Responsibility (PAR) ti tropical storm a nanaganan iti "Caloy" (international name "Hagupit") iti ngudo ti awas, segun iti Philippine Atmospheric, Geophysical and Astronomical Services Administration (PAGASA) ita nga aldaw, Mayo 7.
Itay 3:00 iti parbangon, nasaripatpatan ti PAGASA ni Caloy iti 1,995 a kilometro iti daya ti amianan a daya a paset ti Mindanao, ken apektaranna ti Southern Luzon ken Visayas inton umay a lawas.
Agpigsa ni Caloy iti 65 a kilometro kada oras iti asideg ti sentrona, ken pugso nga agingga iti 80 a kilometro kada oras.
Agpalaud-amianan a laud ni Caloy iti kapardas a 20 a kilometro kada oras ken sumrek iti PAR iti baet ti Sabado (Mayo 9) iti rabii ken agsapa iti Domingo (Mayo 10).
Ni Caloy ti maikatlo a bagyo a sumrek iti pagilian itoy a tawen. (Ellalyn De Vera-Ruiz/Manila Bulletin//Lito Hilidon/Bannawag)
