Pormal a nagkiddaw iti pammalubos ni Nicholas Kaufman iti panaglusulosna a kas abogado ni dati a presidente Rodrigo Duterte iti kasona iti International Criminal Court (ICC), kabayatan ti yaasideg ti panangrugi iti pannakabista daytoy.
Iti dokumento nga impila ni Kaufman idi Mayo 8, kinunana a nagpaso ti kontratana ken ni Duterte idi Marso 31, 2026.
Simmarungkar dagiti abogado ni Duterte iti The Hague tapno maidokumentar ti pannakapalubos ni Duterte ken ni Kaufman a kas abogadona, ket dita met nga imparangarang ti dati a presidente ti tarigagayna a baliwan dagiti abogadona.
Segun ken ni Kaufman, addan immanamong nga abogado a kasukatna, ngem dina pay imbaga ti kinasiasino daytoy.
Nagyaman ni Kaufman ken ni Duterte ken kadagiti pasurotna iti gundaway a panagpaayna a kas abogado ti dati a presidente.
Sen. Dela Rosa, makemmeg no gandatenna ti rummuar iti pagilian; immigration lookout bulletin, naipaulog
Iti sabali a bangir, pinalubosan ti Trial Chamber III ti ICC ti panaglusulos met ni Dov Jacobs kas maysa kadagiti abogado ni Duterte. (Argyll Cyrus Geducos/Manila Bulletin//Lito Hilidon/Bannawag)
