Babaen ti botos a 13-9-2 (wen-saan-abstain) inanamongan dagiti kameng ti Senado ti pannakaikkat ni Sen. Vicente “Tito” Sotto III ken ti pannakaisaad ni Senate Minority Leader Alan Peter Cayetano kas baro a Senate President ita nga aldaw, Mayo 11.
Nabaliwan ti liderato ti Senado bayat ti panagbotos dagiti kongresman iti kaso nga impeachment ni Bise Presidente Sara Duterte.
Kellaat met a nagparang iti Senado ni Senador Ronald Dela Rosa, kalpasan ti panaglanganna sipud pay idi Nobiembre 2025.
Immanamong iti panagbaliw ti liderato da Cayetano, Francis “Chiz” Escudero, Joel Villanueva, Imee Marcos, Rodante Marcoleta, Robin Padilla, Christopher “Bong” Go, Dela Rosa, Loren Legarda, Pia Cayetano, Mark Villar, Camille Villar, ken Jinggoy Estrada.
Simmupiat iti panagbaliw ti liderato da Sotto, Panfilo “Ping” Lacson, Francis “Kiko” Pangilinan, Risa Hontiveros, Paolo “Bam” Aquino IV, Raffy Tulfo, Erwin Tulfo, Sherwin Gatchalian, ken Manuel “Lito” Lapid.
Ilokano daytoy Nabalangatan a ‘Makata ng Taon 2026’ ti KWF
Saan a nagbotos da Joseph Victor “JV” Ejercito ken Juan Miguel “Migz” Zubiri.
Innominar ni Marcos ni Alan Cayetano kas Senate President.
Sakbay daytoy, kinuna da Padilla, Marcos ken Go nga awan ti gandat a mangikkat ken ni Sotto kas Senate President. (Hannah L. Torregoza/Manila Bulletin//Lito Hilidon/Bannawag)
