Dakkel ti panagtalek ni Bicol Saro Party-list Rep. Terry Ridon a y-impeach ti Kamara ni Bise Presidente Sara Duterte iti maikadua a gundaway, kalpasan a pagbobotosanda ti kaso nga impeachment daytoy ita nga aldaw, Mayo 11.
Tamingen ti Kamara ti Committee Report (CR) No.261 a naglaon iti uppat nga articles of impeachment ita nga aldaw, nga isponsoran ni daulo ti Committee on Justice ti Kamara Batangas 2nd district Rep. Gerville Luistro.
Segun ken ni Ridon, 215 a kongresman ti manamnama a mangsuporta iti kaso nga impeachment ni Duterte -- kas iti bilangda idi napan a tawen.
Damo a na-impeach ni VP Duterte iti Kamara babaen ti "fast track" ti Konstitusion idi Pebrero 25, 2025, iti arinunos ti 19th Congress.
Kuna ni Ridon, kameng ti Committee on Justice, nalawag nga adda probable cause iti kaso ni Duterte a panangdadael iti panagtalek ti publiko ken pananglabasing iti Konstitusion. (Ellson Quismorio/Manila Bulletin//Lito Hilidon/Bannawag)
