Indauluan ni District Supervisor Wilma V. Fagel dagiti school administrator iti Santa, Ilocos Sur a nangbisita ken nakiuman ken ni Mayor JJ Bueno III idi Mayo 11, 2026 tapno ipakaammoda dagiti nadumaduma a programa ti Department of Education (DepEd) tapno ad-adda pay a mapasayaat ti edukasion iti lokalidad.
Inkari ni Mayor Bueno iti nabiit pay a nadutokan a District Supervisor ken kadagiti school heads ti suportana kadagiti inisiatibo ti DepEd tapno ad-adda pay a mapasayaat ti sistema ti pannakaiwanwan dagiti estudiante.
Impeksa pay ti ama ti ili ti nabara a panangpasangbayda iti baro a superbisor ken impanamnamana ti naan-anay a tulong ti LGU Santa iti pannakaitag-ay ti edukasion. (MARILYN C. CONTILLO)
Lokal
