Inkeddeng ti National Bureau of Investigation (NBI) a saanda a kemmegen ni Senador Ronald "Bato" Dela Rosa iti uneg ti arubayan ti Senado.
Daytoy ti kinuna ni kattugawna a Senate President Alan Peter Cayetano idi Mayo 11 kalpasan nga inkeddengda a maipasidong ni Dela Rosa iti proteksion ti Senado.
Segun ken ni Cayetano, impakaammo ni NBI Director Melvin Matibag a saan pay laeng nga ituloy dagiti operatiba ti NBI a kemmegen ni Dela Rosa kas maitunos iti Senate Resolution (SR) No. 44.
Innayon ni Cayetano nga adda tulaganda a mangisayangkat iti bukodda a panagimbestigar iti pasamak, idinto nga ibilangda pay laeng a kas contempt case ti inaramid dagiti siam a kameng ti NBI a simrek iti pasdek ti Senado.
Idi nasaludsod no maarestar latta ni Dela Rosa inton Mayo 12, kinuna ni Cayetano a depende daytoy iti panangresponde dagiti institusion ti gobierno. (Dhel Nazario/Manila Bulletin//Lito Hilidon/Bannawag)
