Saan a rumbeng a malapdan ti pannakaaprobar dagiti 21 a priority bill a napagsasaritaanda idi napalabas a liderato ti Senado.
Daytoy ti kinuna ni undersecretary ti Presidential Communications Office (PCO) Claire Castro idi Mayo 12, mainaig kadagiti 21 a priority bill a napagsasaritaanda iti Legislative-Executive Development Advisory Council (LEDAC) bayat ti panagakem ni Tito Sotto a kas Senate President.
Iti naaramid a taripnong ti LEDAC idi Pebrero 2026, inanamongan ni Presidente Marcos Jr. dagiti 21 a priority bills a masapul a maaprobaran inton Hunio.
Mairaman iti priority bill ti Travel Tax Abolition; ti Expanded Anti-Online Sexual Abuse or Exploitation of Children and Anti-Child Sexual Abuse wenno Exploitation Materials Act of 2026; Anti-Fake News and Digital Disinformation; and the Bangsamoro Autonomous Region in Muslim Mindanao (BARMM) Elections, agraman ti Anti-Political Dynasty Law; Citizen Access and Disclosure of Expenditures for National Accountability wenno CADENA Act; Independent People’s Commission Act; ken Party-List System Reform Act.
Prioridad met ti LEDAC ti Amendments to the Bank Deposits Secrecy Law/ Banking Reform for Integrity, Good Governance, Honesty, and Transparency (BRIGHT) Act; Right to Information Act; Amendments to the Coconut Farmers and Industry Trust Fund Act; Amendments to the Pantawid Pamilyang Pilipino Program (4Ps) Act; Amendments to the Masustansyang Pagkain Para Sa Batang Pilipino Act; Amendments to the Government Assistance to Students and Teachers in Private Education (GASTPE) Act; Classroom-Building Acceleration Program (CAP) Act; ken ti National Center for Geriatric Health.
Pannakakemmeg ni Sen. Dela Rosa, imbilin ti DOJ; PNP, pinagtignay ni DILG Sec. Remulla
Mairaman iti prioridad ti Waste-to-Energy (WTE) Bill/Waste Treatment Technology Act; Amendments to the Electric Power Industry Reform Act (EPIRA)-Energy Regulatory Commission (ERC) Strengthening Bill; Amendments to the Rice Tariffication Law/Rice Industry and Consumer Empowerment (RICE) Act; Department of Water Resources; ken ti Estate Tax Amnesty.
Segun ken ni Castro, maangay ti sumaruno a taripnong ti LEDAC inton Mayo 19.
Idi Mayo 11, napadisi ni Sotto a Senate President ket sinuktan ni Sen. Alan Peter Cayetano. (Betheena Unite/Manila Bulletin//Lito Hilidon/Bannawag)
