Sisasagana ni Senador Francis “Kiko” Pangilinan a mangipila iti kontra-reklamo a maibusor ken ni Sen. Robin Padilla no ituloy daytoy ti mangipila iti ethics complaint kontra ken ni Pangilinan.
Daytoy ti kinuna ni Pangilinan idi Mayo 12, kalpasan ti nabara a diskusionda mainaig iti warrant of arrest a maibusor ken ni Sen. Ronald Dela Rosa.
Segun ken ni Pangilinan, daytoy ti umuna a gundaway nga adda maipila nga ethics complaint iti Senado gapu iti panagngato iti boses ti maysa a senador, a gagangay met a maaramid kadagiti debate iti Senado.
Kinuna ni Pangilinan a no bilang dumatag ni Padilla iti Ethics Committee, idarumna met ni Padilla iti kaso a panaglabsing iti parliamentary rules ti Senado, ken ti kaawan ti umisu a kababalin, panagpangta, ken pammutbuteng ni Padilla kenkuana iti plenario. (Hannah L. Torregoza/Manila Bulletin//Lito Hilidon/Bannawag)
