Iti baet ti maar-aramid nga imbestigasion, kinuna ti Office of the Sergeant-at-Arms (OSAA) ita nga aldaw, Mayo 15, nga awan ti nabirokanda a CCTV (closed-circuit television) footage a mangipakita iti panagtignay dagiti kameng ti OSAA, agraman dagiti Marines, iti nabiit pay a pasamak iti pasdek ti Senado.
Iti maysa nga interbiu iti DZRH, kinuna ni OSAA Mao Aplasca a personal nga imbilinna ti pannakarepaso ti CCTV recording dagiti pasamak.
Segun ken ni Aplasca, ti laeng ungto ti tactical formation dagiti kameng ti OSAA ti naala ti CCTV footage.
Idi nasaludsod no adda CCTV footage dagiti kameng ti National Bureau of Investigation (NBI), insungbat ni Aplasca nga awan ti CCTV footage ti panagtignay dagiti kameng ti OSAA. (Dhel Nazario/Manila Bulletin//Lito Hilidon/Bannawag)
