Ibilang ti National Bureau of Investigation (NBI) a persons of interest da Sen. Robin Padilla ken Senate Sergeant-at-Arms Mao Aplasca bayat ti panagimbestigarda iti panagtakias ni Sen. Ronald “Bato” Dela Rosa manipud iti Senado iti baet ti pannakaipatungpal ti warrant of arrest ti International Criminal Court (ICC).
Kuna ni NBI Director Melvin A. Matibag ad-adalenda dagiti tignay ni Dela Rosa kalpasan ti maipagarup a panaglibasna manipud iti pasdek ti Senado idi Mayo 14.
Segun ken ni Matibag, ni Padilla ti kayatda nga umuna a mangipalawag ta mabalin nga isu ti kadua ni Dela Rosa idi pimmanaw daytoy iti Senado.
Iti pannakaisursurat daytoy, awan pay ti sungbat ni Padilla iti dayta a kinuna ni NBI.
Kayatda a pagpalawagen ni Aplasca iti pannakairamanna iti riribuk a naparnuay iti rangtay a mamagsilpo iti GSIS complex ken Senado.
Pannakakemmeg ni Sen. Dela Rosa, imbilin ti DOJ; PNP, pinagtignay ni DILG Sec. Remulla
Kinuna ni Matibag nga usarenda dagiti sinao ti asawa ni Dela Rosa a nagkuna a nausar ti pasamak tapno maikkan ni Dela Rosa iti gundaway a makapanaw iti Senado. (Jeffrey Damicog/Manila Bulletin//Lito Hilidon/Bannawag)
