Kalpasan ti sumagmamano nga aldaw a panagkamang iti Senado gapu iti warrant of arrest nga impaulog ti International Criminal Court (ICC), siuulimek a rimmuar ni Senador Ronald "Bato" dela Rosa iti pasdek ti Senado iti parbangon ti Mayo 14.
Iti maysa a press conference idi Mayo 14, kinompirmar ni Senate President Alan Peter Cayetano nga awanen iti pasdek ti Senado ni Dela Rosa, ta boluntario kano a pimmanawen daytoy.
Segun iti report ti Office of the Sergeant-at-Arms (OSAA), rimmuar ni Dela Rosa iti pasdek ti Senado idi 2:30 iti parbangon ti Mayo 14, a kaduana ni Sen. Robin Padilla.
Pimmanaw ni Dela Rosa sumagmamano nga oras kalpasan ti napasamak a panagpipinnaltog dagiti kameng ti OSAA ken tattao a maipagarup a kameng ti National Bureau of Investigation (NBI) iti uneg ti pasdek ti Senado.
Nagparang ni Dela Rosa iti Senado idi Mayo 11 sa nagbotos para iti baro a Senate President, ken pimmanaw a saan a nadnadlaw kalpasan ti nariribuk a panagpipinnaltog. (Dhel Nazario/Manila Bulletin//Lito Hilidon/Bannawag)
