Tarigagay ti Senado, kas maysa nga Impeachment Court, a rugian ti impeachment trial ni Bise Presidente Sara Duterte inton Hulio 6.
Daytoy ti kinuna ni Senador Erwin Tulfo ita nga aldaw, Mayo 21, kalpasan ti naangay nga all-member caucus dagiti senador idi Mayo 20.
Segun ken ni Tulfo, narugian ti proseso babaen ti panangipaaay iti kampo ni Duterte iti gundaway a mangted iti sungbatda iti kaso nga impeachment iti las-ud ti 10 nga aldaw, sa maikkan ti lima nga aldaw dagiti prosekusion a mangipaay iti sungbatda. Sumaruno ti pre-trial proceeding a pakamarkaan dagiti ebidensia, testigo, ken dadduma pay a dokumento sakbay a mapanda iti formal trial.
Kinuna ni Tulfo a tarigagayda ti Hulio 6 a panangrugi ti impeachment trial kalpasan ti sine die adjournment ti Kongreso. (Dhel Nazario/Manila Bulletin//Lito Hilidon/Bannawag)
