Naipila iti Sandiganbayan ita nga aldaw, Mayo 28, ti kaso a plunder ken panagkunniber (graft) kontra kada Senador Jose “Jinggoy” P. Estrada ken dati a sekretario ti Department of Public Works and Highways (DPWH) Manuel Bonoan gapu iti mapapati a panangisingit iti badiet ken nasurok ₱573 a milion a mapapati a kickback manipud kadagiti naanomalia a flood control project a nairaman iti portfolio ti DPWH para iti Fiscal Year 2025.
Dua a kaso ti panagkunniber ti sangsanguen da Estrada ken Bonoan, a nai-raffle iti Second Division ti Sandiganbayan ken maysa pay a kaso ti panagkunniber ti nai-raffle iti 5th Division.
Nairaman a naidarum da Assistant District Engineer Denryl Caesar S. Cortuna, District Engineers Manny B. Bulusan ken Arturo L. Gonzales Jr.
Iti sabali a bangir, kinuna ni Assistant Ombudsman Mico Clavano a saan a nairaman a naidarum da dati a DPWH Undersecretary Roberto R. Bernardo, dati a NCR Regional Director Gerard P. Opulencia, ken dati a Bulacan First District Engineer Henry C. Alcantara, gapu ta naipasidongda iti Witness Protection Program (WPP) ti Department of Justice.
Iti maysa nga statement, kuna ni Estrada a sisasagana a mangusar iti amin a legal a pamuspusan. (Jel Santos/Manila Bulletin//Lito Hilidon/Bannawag)
