Inkeddeng International Criminal Court (ICC) a marugian ti pannakabista ti kaso ni dati a presidente Rodrigo Duterte inton Nobiembre 30, 2026, kalpasan ti naangay nga status conference iti The Hague idi Mayo 27.
Segun iti ICC Trial Chamber III naituding ti petsa ti bista kalpasan a naawatda dagiti indatag ti prosekusion, depensa, ken legal representative dagiti biktima, agraman ti panawen a kasapulan para iti pannakaiparang dagiti ebidensia ken dadduma pay a banag.
Kinuna ti Trial Chamber III a risutenda amin a nakapila ken mangadaptarda iti proseso a kasapulan tapno mapapardas ti panagtulid ti proseso sakbay ti pormal a pannakairugi ti bista.
Maangay ti sumaruno nga status conference inton Hunio 23, idinto a manamnama a maidatag ti prosekusion iti listaan dagiti testigo inton Hunio 29.
Maangay ti maikatlo nga status conference inton Hulio 14.
Kaso a plunder kontra ken ni Sen. Estrada, naipila iti Sandiganbayan
Buklen ti Trial Chamber III da Presiding Judge Joanna Korner, Judge Keebong Paek, ken Judge Nicolas Guillou. (Argyll Cyrus Geducos/Manila Bulletin//Lito Hilidon/Bannawag)
