Rinugian ni Presidente Marcos Jr. ti umuna nga opisial a panangsarungkarna iti Japan ita nga aldaw, Mayo 28, babaen ti pannakisaritana kada Japanese Emperor Naruhito ken Empress Masako.
Naangay ti panangpasangbay a seremonia para kada Presidente Marcos Jr. ken First Lady (FL) Liza Araneta-Marcos iti Imperial Palace iti Tokyo. Dimmar-ay met ti dadduma pay a kameng ti Royal Family ti Japan a da Crown Prince Akishino ken Crown Princess Kiko.
Inyebkas ni Emperor Naruhito ti siraragsak a panangsangailina kadakuada kas pannakarambak iti maika-70 a tawen ti anibersario ti pannakabuangay diplomatiko a relasion ti Filipinas ken Japan.
Nagyaman met ni Presidente Marcos iti Japan gapu iti agtultuloy a panangsuportarna iti Filipinas iti adun a tawen, idinto nga agtalinaed a ti Japan ti kapatgan a kaasmang ti Filipinas iti panagdur-as, seguridad, impraestruktura, agrikultura, pannakikonektar, ken kinatibker.
Iti malem, manamnama a kapatang ni Marcos dagiti kameng ti Japan Philippines Parliamentary Friendship League (JPPFL), ken dumar-ay iti maangay a roundtable meeting dagiti negosiante a Hapones.
Kaso a plunder kontra ken ni Sen. Estrada, naipila iti Sandiganbayan
Kalpasan daytoy, saksian ni Marcos ti panagpirma ti Ayala Group ken dagiti kompania ti Japan iti maysa a memorandum of understanding (MOU). (Betheena Unite and JIJI PRESS//Lito Hilidon/Bannawag)
