Maladingitan ni Presidente Marcos Jr. kadagiti kontrobersia a napasamak iti Senado itay kallabes, a kinunana a pannakaipababa iti kasasaad ti institusion no idilig idi nagpaay daytoy a senador.
Iti pannakisaritana kadagiti kameng ti prensa idi Mayo 29 iti Tokyo, kinuna ni Marcos a dina ipagarup nga agbalin a kastoy ti kasasaad ti Senado ita.
Segun ken ni Marcos, kasla saan a nakapapati ti napasamak a "palso a panangraut" ken panagpipinnaltog iti Senado, idinto nga awan ti kastoy a napasamak idi nagpaay a senador daytoy.
Dinakamat ni Marcos ti komento ni dati a senate president Franklin Drilon a panangsalaknib ti Senado iti maysa a maibilang a pugante.
Sinupiat ni Marcos ti singasing a paglintegan ti Senado a mapalubosan ti online voting, ket kinunana a nairanta daytoy tapno maikkan ni Sen. Ronald dela Rosa a makipaset iti sesion ti Senado idinto a sapsapulen ti autoridad daytoy, ken adda arrest warrant ti ICC, isu a saan a rumbeng nga agbotos ti senador.
Kaso a plunder kontra ken ni Sen. Estrada, naipila iti Sandiganbayan
Innayon ni Marcos a nabayagen a tradision ti Senado a masapul a pisikal a kaadda ti senador iti sesion tapno makabotos. (Argyll Cyrus Geducos/Manila Bulletin//Lito Hilidon/Bannawag)
