Saan a nababbaba iti 26 a bus ti Victory Liner, Inc. ti sinuspenso ti Land Transportation Franchising and Regulatory Board (LTFRB) kalpasan ti napasamak a panagdidinnungpar iti Tuba, Benguet a nakadangran ti 90 a tao.
Dua a bus ti Victory Liner ti nagdinnungpar iti Marcos Highway iti Barangay Taloy Sur idi Mayo 30, a pakairamanan ti maysa nga sports utility vehicle (SUV).
Segun ken ni LTFRB chairman Vigor D. Mendoza, im-imbestigarendan ti pasamak tapno makitada no ania ti rumbeng a sungsungbatan ti kompania ti bus.
Ngem kuna ni Mendoza nga ipangpangrunada ita ti pannakaipaay iti medikal a tulong kadagiti 95 a nadangran a biktima, nangruna dagiti naipan iti tallo nga ospital iti Benguet ken La Union.
Innayon ni Mendoza nga iggemdan ti resulta ti panagimbestigar ti polis ket ikkanda ti gundaway ti Victory Liner nga agpalawag mainaig iti napasamak. (Aaron Recuenco/Manila Bulletin//Lito Hilidon/Bannawag)
