Maikkan ti gundaway ni Bise Presidente Sara Duterte a mangidatag iti sungbatna iti Articles of Impeachment iti Senate impeachment court agingga iti 7:00 ita a rabii, Hunio 1.
Iti maysa a waragawag, kinuna ti Office of the Senate Secretary (OSS) a mabalin a personal a mangidatag ni Duterte iti sungbatna, wenno babaen ti email, manpud 8:00 iti agsapa agingga 7:00 iti rabii.
Kuna ti OSS a mabalin nga usaren dagiti abogado ni Duterte dagiti naituding a siled no kayatda ti agpainterbiu.
Nabukel ti Senado a kas impeachment court idi Mayo 18, ken inadaptarda dagiti paglintegan a mangiturong iti pannabista ti articles of impeachment a maibusor ken ni Duterte. (Wilnard Bacelonia/PNA//Lito Hilidon/Bannawag)
Nasional
