Impaulog ti Fifth Division ti Sandiganbayan ita nga aldaw, Hunio 1, ti warrant of arrest a maibusor ken ni Sen. Jose “Jinggoy” P. Estrada, ken kadagiti uppat pay a padana a naidarum iti plunder ken panagkunniber (graft).
Nairaman iti arrest warrant da dati a sekretario ti DPWH Manuel Bonoan, Assistant District Engineer Denryl Caesar S. Cortuna, ken dagiti district engineer a Manny B. Bulusan ken Arturo L. Gonzales Jr.
Idi Mayo 28, impila ti Office of the Ombudsman (OMB) ti saan a mapiansaan a kaso a plunder, ken panagkunniber (graft) iti Sandiganbayan maipuon iti mapapati nga illegal a panangisingit iti badiet ken nasurok a ₱a milion a kickback manipud iti flood control project ti Department of Public Works and Highways manipud iti 2025 budget.
Iti maysa nga statement, kinuna ni Estrada a kiniddawna iti Sandiganbayan ti pannakawaswas ti kasona babaen ti Urgent Omnibus Motion Ad Cautelam nga impila dagiti abogadona.
Idi Mayo 29, nayetnag ti arrest warrant ni Estrada manipud iti Second Division ti Sandiganbayan gapu iti sabali pay a kaso a panagkunniber, ket nagpiansa a dagus daytoy iti ₱90,000.
Biahe ti 26 a bus ti Victory Liner, sinuspenso ti LTFRB
Iti sabali a bangir, manamnama a sumuko ni Estrada iti Philippine National Police (PNP) kalpasan a nairuar ti arrest warrant-na. (Jel Santos/Manila Bulletin//Lito Hilidon/Bannawag)
