Iti maikadua a gundaway, saan a dimmar-ay dagiti kameng ti majority bloc ti Senado iti sesionda maysa nga aldaw sakbay ti sine die adjournment ti Kongreso.
Dagiti laeng makunkuna a "Solid Bloc 11" wenno "SB-11" ti minority bloc ti nagparang iti plenary session ita nga aldaw, Hunio 2.
Buklen ti minority bloc da senador Lito Lapid, JV Ejercito, Raffy Tulfo, Bam Aquino, Tito Sotto, Sherwin Gatchalian, Risa Hontiveros, Ping Lacson, Migz Zubiri, Erwin Tulfo, ken Kiko Pangilinan.
Awan ti dimmar-ay uray maysa a senador ti mayoria.
Buklen ti majority bloc da senador Alan Peter Cayetano, Loren Legarda, Joel Villanueva, Pia Cayetano, Bong Go, Imee Marcos, Rodante Marcoleta, Robin Padilla, Francis "Chiz" Escudero, Mark ken Camille Villar, agraman da Jinggoy Estrada ken Ronald "Bato" dela Rosa.
Sen. Jinggoy Estrada, maiditenar iti pagbaludan a yan ni Revilla
Iti maysa nga interbiu iti DZBB, kinuna ni Marcoleta a dumar-ay iti sesion.
Ngem idi 3:18 iti malem, inawaragawag ni Sen. Zubiri a saan a dumar-ay iti sesion da Senate President Cayetano ken dagiti pasurotna. (Dhel Nazario/Manila Bulletin//Lito Hilidon/Bannawag)
