Inawat ti Malakanyang ti kaudian a pannakapabaro ti liderato ti Senado, a nangital-o ken ni Sen. Sherwin Gatchalian a kas Senate President Pro Tempore ken Acting Senate President idi Hunio 3.
Segun ken ni undersecretary ti Presidential Communications Office (PCO) Claire Castro, legal ti naaramid a pannakapabaro ti liderato ti Senado.
Bigbigen ken raemen ti Malakanyang ti baro a mayoria ken ti liderato ni acting Senate President Sherwin Gatchalian.
Sakbay ti napasamak a pannakapabaro ti liderato ti Senado, inyebkas ni Presidente Marcos Jr. ti pakaseknanna iti napaut a pannakaparalisa ti Senado, a mangapektar iti panangtungpalda iti annongenda kas mammanday linteg. (Argyll Cyrus Geducos/Manila Bulletin//Lito Hilidon/Bannawag)
Nasional
