Nasdaaw ni Sandiganbayan Second Division Chairperson Justice Geraldine Faith Econg iti kaadu dagiti sakit ni dati a sekretario ti Department of Public Works and Highways (DPWH) Manuel Bonoan.
Naammuan daytoy ni Econg iti naaramid nga arraignment ti kaso da Bonoan ken Senador Jose “Jinggoy” Ejercito Estrada idi Hunio 4, kalpasan a binasana iti korte ti listaan dagiti sakit ni Bonoan nga inted ti polis.
Mairaman kadagiti sakit ni Bonoan ti acute coronary syndrome, heart failure, hypertension, Type 2 diabetes, CKD wenno chronic kidney disease, carcinoma, prostate cancer, ken spine pain.
Segun iti abogado ni Bonoan, saan a dimmar-ay ti dati a daulo ti DPWH iti arraignment iti kasona a plunder ken panagkunniber (graft) a naipila iti Fifth Division ti Sandiganbayan gapu ta naipan daytoy iti The Medical City iti sidong ti Criminal Investigation and Detection Group (CIDG). (Jel Santos/Manila Bulletin//Lito Hilidon/Bannawag)
