Nagbalinen a bagyo ti low-pressure area (LPA) iti amianan a laud ti Batanes ita nga aldaw, Hunio 5, ket napanaganan daytoy iti Bagyo Ester, segun iti Philippine Atmospheric, Geophysical and Astronomical Services Administration (PAGASA).
Ni Ester ti maikalima a bagyo a simrek iti pagilian ita a tawen.
Itay 5:00 iti parbangon, nasaripatpatan ti PAGASA ti sentro ti bagyo iti 225 a kilometro iti laud ti Itbayat, Batanes.
Agpigsa ni Ester iti 45 a kilometro kada oras, ken pugso nga agingga iti 55 a kilometro kada oras, ket agpa-amianan a daya iti kapardas a 20 a kilometro kada oras.
Makarikna iti napigsa a tudo ken nga angin ti probinsia ti Batanes nga adda iti Signal No. 1.
Hues ti Sandiganbayan, nasdaaw iti kasasaad ti salun-at ni Bonoan
Masansan nga agtudo iti nadumaduma a paset ti Ilocos Region, Cordillera Administrative Region, Zambales, Bataan, Batangas, Cavite, Occidental Mindoro, ken Metro Manila gapu iti nagtipon nga epekto ti bagyo ken ti abagat (southwest monsoon) agingga iti ngudo ti lawas.
Ekspektaren ti PAGASA a rummuar ni Ester iti pagilian inton agsapa ti Sabado, Hunio 6, sakbay nga agturong iti abagatan ti Japan. (Ellalyn De Vera-Ruiz/Manila Bulletin//Lito Hilidon/Bannawag)
