Dinayyeg ti magnitude 7.8 a ginggined ti Sarangani Province ita nga agsapa ti Lunes, Hunio 8, a namrayan ti Philippine Institute of Volcanology and Seismology (Phivolcs) a nangipaulog iti tsunami warning kadagiti adda iti asideg ti baybay iti probinsia ti Mindanao.
Segun iti Phivolcs, tectonic ti gapuanan ti panagkintayeg ti daga itay 7:37 iti agsapa, ket adda ti epicenter iti 32 a kilometro iti asideg ti ili ti Maasim.
Narikna ti maikadua a panagdayyeg, a mapapati a maysa nga aftershock, itay 8:18 iti agsapa iti kapigsa a magnitude 3.7 ket adda iti asideg ti Balut Island iti Sarangani ti epicenter-na.
Maibasar iti datos ti Phivolcs, narikna ti kapigsaan a dayyeg iti General Santos City nga agpigsa iti Intensity VII, idinto nga Intensity VI kadagiti ili ti Palimbang ken Senator Ninoy Aquino iti Sultan Kudarat.
Narikna iti Malapatan, Sarangani ti Intensity VIII.
VP Duterte, saan a dimmar-ay iti umuna nga aldaw ti impeachment trial; Sen Escduero, nabotosan a presiding officer
Intensity V ti narikna iti Davao City; Kidapawan City ken ili ti Carmen iti Cotabato; dagiti ili ti Bagumbayan, Kalamansig ken President Quirino iti Sultan Kudarat; ken dagiti ili ti Sibuco ken Siocon iti Zamboanga del Norte.
Ekspektaren ti Phivolcs nga adu a pasdek ti mabalin a madadael gapu iti kapigsa ti ginggined. (Aaron Recuenco/Manila Bulletin//Lito Hilidon/Bannawag)
