Mapanen a 37 a tao ti natay gapu iti magnitude 7.8 a ginggined a nangdayyeg iti Sarangani idi Hunio 8, segun iti Office of Civil Defense (OCD).
Kinuna ni panakangiwat ti OCD Diego Agustin Mariano ita nga aldaw, Hunio 9, nga uppat ti natay iti Region 11 (Davao) idinto a 33 iti Region 12 (SOCCSKSARGEN).
Ngem inlawlawag ni Mariano a patpatalgedanda pay laeng dagiti naawatda a report a bilang dagiti natay.
Segun iti OCD, patpatalgedanda ti report a 18 a tao ti natay iti Sarangani province, 12 iti General Santos City (agpada a Region 12), ken tallo iti South Cotabato.
Iti sabali a bangir, 144 a tao ti nadangran ken adda uppat a mapukpukaw iti General Santos City.
Signal 1, naibayog iti 12 a lugar iti Luzon gapu ken ni Bagyo Kiyapo
Maibasar iti immuna a panangtingiting ti OCD, ti General Santos City ti kakaruan a naapektaran.
Innayon ti OCD a makium-uman ti nailian a gobierno kadagiti lokal nga opisial iti Sarangani para iti pannakaipaay iti tulong. (Priam Nepomuceno/PNA//Lito Hilidon/Bannawag)
