Impeksa ti University of the Philippines Open University (UPOU) ti interestna a makitinnulong iti LGU-Santa tapno maikkan iti gundaway dagiti interesado a Santanian a mangileppas ken makagun-od iti certificate, diploma, undergraduate, ken graduate programs. Kadagiti agngayangay a mangituloy iti panagadalda iti nangatngato pay nga agpang, ken kas mayannurot iti isaysayangkattayo a panangpadur-as iti ilitayo, bisitaen laeng ti https://www.upou.edu.ph/academics/ para iti ad-adu pay nga impormasion. Tumulong a sindadaan ditoy ti LGU-Santa SPACE Program.
Idiaya pay ti University of the Philippines Los Baños (UPLB-CPAf) ti pannakaipaay iti Hybrid Master in Development Management and Governance program. Madama a maisaysayangkat ti saritaan para itoy babaen ti LGU Santa iti panangidaulo ni Mayor Atty. JJ Bueno III ken ti UPLB. Mainaig itoy, kayat nga ammuen ti LGU Santa no kasano ti kaadu ti nakasagana a mangarakup itoy a programa ken no mano ti potensial nga agenrol.
(MARILYN CORRALES-CONTILLO)
