Nagturong ni Presidente Marcos Jr. iti Russia idi Hunio 16 tapno dumar-ay iti ASEAN-Russia Commemorative Summit a maangay iti Kazan iti nasao a pagilian, ken kasaritana ni Presidente Vladimir Putin.
Kas daulo ti Association of Southeast Asian Nations (ASEAN), agpaay ni Marcos a co-chair ti nasao a taripnong a pakairamanan ni Putin ken dagiti dadaulo ti pagilian iti ASEAN, kas pannakarambak ti 35 a tawen a relasion ti ASEAN ken pagilian a Russia.
Manamnama a pagpapatanganda ti mainaig iti talna ken seguridad, panagnegosio ken panagpuonan, taraon ken natalged nga enerhia, siensia ken teknolohia, edukasion, turismo, ken digital transformation.
Pagsaritaan met da Marcos ken Putin dagiti bambanag a pakaseknan ti dua a pagilian, kas iti natalged nga enerhia ken taraon. (Argyll Cyrus Geducos/Manila Bulletin//Lito Hilidon/Bannawag)
