Pormal a nabotosanen ni Senador Sherwin Gatchalian a kas Senate President bayat ti special session ti Senado ita nga aldaw, Hunio 17, nga impaayab ni Presidente Marcos Jr.
Mairaman da Senador Joel Villanueva ken Francis “Chiz” Escudero kadagiti 13 a senador nangibotos ken ni Sen. Gatchalian a kas daulo ti Senado.
Ni met Sen. Vicente “Tito” Sotto III ti nabotosan a Senate President Pro Tempore, idinto a ni Sen. Juan Miguel “Migz” Zubiri ti baro a Majority Floor Leader.
Buklen ti baro a Majority Bloc ti Senado da Senador Escudero, Villanueva, Francis “Kiko” Pangilinan, Risa Hontiveros, Paolo “Bam” Aquino IV, Panfilo “Ping” Lacson, Manuel “Lito” Lapid, Joseph Victor “JV” Ejercito, Erwin Tulfo, ken Raffy Tulfo.
Sakbay a narugian ti special session, impaskil ni dati a senate president Alan Peter Cayetano nga isukonan ti saadna a kas pangulo ti Senado. (Hannah L. Torregoza/Manila Bulletin//Lito Hilidon/Bannawag)
