Imbilin ni presidente ti Russia Vladimir Putin ti pannakawayawaya ti 24 a Filipino a naibalud iti Siudad ti Irkutsk iti Siberia iti las-ud ti siam a bulan gapu iti kaso mainaig iti immigration, segun ken ni Presidente Marcos Jr.
Segun kadagiti report, adda 24 a Filipino a maipagarup a biktima ti illegal recruiter a nangipan kadakuada iti Russia nga addaan kuestionable a tulag, a nangitunda iti at-atiddog a pannakaibaludda.
Iti pannakasarita ni Marcos kadagiti kameng ti media iti Russia idi Hunio 18, kinunana a personal nga indatagna ti kasasaad dagiti nasao a Filipino bayat ti naangay a taripnongda ken Putin.
Segun ken ni Marcos, impasigurado ni Putin a tamingenna daytoy a banag.
Innayon ni Marcos nga itan, maruk-atanen dagiti 24 a Filipino iti pagbaludan ken naikeddeng nga agsublidan iti Filipinas. (Argyll Cyrus Geducos/Manila Bulletin//Lito Hilidon/Bannawag)
