Nagtalinaed ti pigsa ni Super Typhoon Francisco (internasional a nagan: Mekkhala) idinto nga adda latta iti Tropical Cyclone Wind Signal (TCWS) No. 1 ti Northern Luzon, segun iti Philippine Atmospheric, Geophysical and Astronomical Services Administration (PAGASA) ita nga aldaw, Hunio 23.
Nupay kasta, agtalinaed ni Francisco nga adayo iti daga ti Filipinas, ket in-inut a bumannayat ti panagtignayna nga agpaamianan-amianan a laud agingga inton Mierkoles, Hunio 24, sakbay nga agturong iti Ryukyu Islands iti abagatan ti Japan.
Agpigsa ni Francisco iti 185 a kilometro kada oras iti asideg ti sentrona, ken pugso nga agingga iti 230 a kilometro kada oras itay 4:00 iti parbangon.
Agtalinaed iti TCWS No. 1 ti Batanes, ti amianan a daya a paset ti Cagayan (Gonzaga, Santa Ana) agraman ti daya a paset ti Babuyan Islands (Babuyan Is., Didicas Is., Camiguin Is.)
Pattapattaen ti PAGASA a rummuar ni Francisco iti Philippine Area of Responsibility inton Biernes, Hunio 26. (Ma. Cristina Arayata/PNA//Lito Hilidon/Bannawag)
