Kimmapsut ni Bagyo Francisco (internasional a nagan: Mekkhala) ket nagbalin laengen a severe tropical storm daytoy, segun iti waragawag ti Philippine Atmospheric, Geophysical and Astronomical Services Administration (PAGASA) ita nga aldaw, Hunio 25.
Agpigsa ni Bagyo Francisco iti 100 a kilometro kada oras iti asideg ti sentrona, ken pugso nga agingga iti 125 a kilometro kada oras.
Itay 4:00 iti parbangon, addan ni Francisco iti 415 a kilometro ti amianan a daya ti Itbayat, Batanes, ket agpaamianan-amianan a daya iti kapardas a 15 a kilometro kada oras.
Agtalinaed ti probinsia ti Batanes iti Tropical Cyclone Wind Signal No. 1.
Ekspektaren ti PAGASA a kumapsut pay ni Francisco agingga nga agbalin laengen daytoy a tropical storm inton Biernes (Hunio 26). (Ma. Cristina Arayata/PNA//Lito Hilidon/Bannawag)
