Inanamongan ti Department of Labor and Employment (DOLE) ti ₱85 a ngumatuan ti inaldaw a matgedan dagiti mangmangged iti Metro Manila, segun ken ni Sekretario ti DOLE Francis Tolentino ita nga aldaw, Hunio 30.
Iti naangay a pannakiuman ni Tolentino kadagiti mangmangged iti Malabon Public Market, inwagaragawagna ti pannakaingato ti sueldo dagiti minimum wage earner iti Kamanilaan.
Agnumar ditoy ti agarup 1.1 a milion a mangmangged nga umaw-awat iti kababaan a sueldo (minimum wage) iti inaldaw.
Inlawlawag ni Tolentino nga in-inut ti pannakaited ti nayon a sueldo -- umuna a maited ti ₱60 inton Hulio 19, 2026; sa ₱25 inton Enero 20, 2027.
Maibasar iti Wage Order No. NCR-27, ₱780 ti inaldaw a matgedan dagiti minimum wage earner iti Kamanilaan a saan nga agtrabtrabaho iti sektor ti agrikultura; idinto a ₱743 ti maited kadagiti agtrabtrabaho iti sektor ti agrikultura, pagtagilakuan nga addaan iti nababbaba iti 15 nga empleado, ken pabrika nga addaan iti nababbaba iti 10 nga empleado. (Ferdinand Patinio/Manila Bulletin//Lito Hilidon/Bannawag)
