Agarup 900 a polis ti in-deploy ti National Capital Region Police Office (NCRPO) iti People Power Monument iti Siudad ti Quezon ita nga aldaw, Hunio 30, tapno agbantay iti maysa a pettat a panagrali nga insayangkat dagiti kameng ti maysa a sekta ti relihion.
Segun ken ni NCRPO director Maj. Gen. Anthony A. Aberin, mapan a 8,000 ti tao nga adda sadiay, ket maibasar iti pannakisaritada kadagiti organizer, kamengda amin ti Iglesia Ni Cristo (INC).
Ginasut a ralista ti kellaat a naguummong iti People Power Monument itay agsapa a nakaro a nangapektar iti trapiko kangrunaan iti agpaamianan a paset ti EDSA ken iti White Plains gapu iti panangbangen dagiti agrarali iti kalsada.
Segun iti report ti Metropolitan Manila Development Authority (MMDA), nangrugi nga agsangpaet dagiti ralista iti People Power Monument itay 3:00 iti parbangon.
Kuna ni Aberin nga awan ti permit dagiti agrarali ket segun iti paglintegan, mabalinda nga i-disperse dagiti agrarali, ngem iti kaadu ti agprotestar, amangan no riribuk ti ibunga daytoy.
Abalos Jr., nadutokan a kas Cabinet Secretary
Innayon ni Aberin nga awan ti masinunuo nga oras inted dagiti ralista a panagtalinaedda nga agrali, ngem impaganetgetna nga agtalinaed dagiti polis sadiay agingga adda ralista. (Aaron Recuenco/Manila Bulletin//Lito Hilidon/Bannawag)
