Nakasaganan ti Impeachment Court ti Senado a mangtaming iti impeachment trial ni Bise Presidente Sara Duterte inton Hulio 6, segun ken ni Senate President Sherwin Gatchalian ita nga aldaw, Hunio 30.
Sinukimat ni Gatchalian dagiti lugar a nailatang para iti depensa ken prosekusion, ken dadduma pay a paset a mausar iti impeachment trial.
Itay kallabes, kinuna ni Gatchalian a mabalin nga agpaut iti 7 agingga 8 a bulan ti impeachment trial, segun iti panaggaraw ti proseso, agraman ti pannakaiparang dagiti ebidensia, testimonia dagiti testigo, ken posible a pannakaitantan gapu kadagiti madakamat a procedural motion.
Mainaig iti naselioan a kahon ti Bureau of Internal Revenue (BIR) a rimmuar idi naangay ti pre-trial conference, kinuna ni Gatchalian a ti impeachment court ti mangikeddeng no ania ti rumbeng a maaramid iti daytoy, no madakamatda daytoy nga isyu iti panangbista. (Dhel Nazario/Manila Bulletin//Lito Hilidon/Bannawag)
