Pormal a naital-o ti relasion ti Filipinas ken Canada ket nagbalinen nga "strategic partnership" ita nga aldaw, Hulio 3 (oras iti Manila), kalpasan a pinirmaanda dagiti tulag mainaig iti enerhia, trabaho, turismo, ken panagtinnulong iti kultura.
Naiwaragawag daytoy kalpasan ti panagpatang da Presidente Marcos Jr. ken Canadian Prime Minister Mark Carney ken dadduma pay bayat ti bilateral meeting a naangay iti Vancouver Convention Centre.
Pinirmaan da Marcos ken Carney ti Declaration of Intent on Energy and Natural Resources Cooperation, kasta met ti Joint Declaration of Intent on Labor and Migration.
Napirmaan met ti memorandum of understanding (MOU) mainaig iti turismo ken para iti kultura.
Inanamongan ti dua a pangulo a patibkerenda met ti panagtinnulongda iti seguridad ken depensa, idinto a namnamaen ni Carney a dandanin maaprobaran ti visiting forces agreement ti Filipinas ken Canada.
Kiddaw ni Jinggoy Estrada a dumar-ay iti impeachment trial ni VP Duterte, saan a pinatgan ti Sandiganbayan
Iti sabali a bangir, inyebkas ti Canada ti pnangsuportarna iti maibasar iti linteg a kinaurnos iti West Philippine Sea kas maitunos iti United Nations Convention on the Law of the Sea (UNCLOS) ken iti 2016 Arbitral Award. (Argyll Cyrus Geducos/Manila Bulletin//Lito Hilidon/Bannawag)
