Impila ti Office of the Ombudsman (OMB) ita nga aldaw, Hulio 3, ti saan a mapiansaan a kaso a plunder kontra ken ni Senador Rodante Marcoleta gapu iti saanna nga indeklarar a ₱75 a milion a donasion bayat ti panagakemna kas kongresman.
Tallo a kriminal a kaso pay ti naipila a maibusor ken ni Marcoleta, agraman dagiti nagdonar, gapu iti pananglabsingda iti Presidential Decree (PD) No. 46, wenno ti anti-gift law.
Mairaman a naidarum ni dati a kongresman Michael “Mike” Defensor, negosiante a Joseph Varias Espiritu ken Aristotle Baluyut Viray iti kaso a plunder maibatay iti Republic Act No. 7080 wenno ti Plunder Law.
Naipan iti Sandiganbayan Third Division ti kaso ni Marcoleta a plunder, idinto a naipan iti Fourth Division ti kaso ni Defensor; ti Sixth Division ti mangiggem iti kaso ni Espiritu, ken ti First Division ti mangiggem iti kaso ni Viray.
Inlawlawag ti Ombudsman a saan a politika ti makagapu iti pannakaidarum ni Marcoleta, idinto a ti ebidensia a naalada dagiti nagimbestigar ket naggapu met laeng iti panangaklonna kadagiti interbiu ken public statement-na.
Bagyo a posible nga agbalin a super typhoon, sumrek iti Filipinas inton umay a lawas
(Jel Santos/Manila Bulletin//Lito Hilidon/Bannawag)
