Inarestar ti Department of the Interior and Local Government (DILG) ni Senador Rodante Marcoleta ita nga aldaw, Hulio 6, gapu iti kaso a plunder.
Ti Third Division ti Sandiganbayan ti nangipaulog iti warrant of arrest ni Marcoleta gapu iti naawatna a ₱75 a milion bayat ti panagakemna a kas kongresman ti Sagip Party-list.
Segun ken ni sekretario ti DILG Jonvic Remulla, naipaay ti warrant of arrest a maibusor ken ni Marcoleta iti Sandiganbayan, bayat ti papanda ken dagiti abogadona tapno ipilada ti motion to quash ken malapdan ti pannakaipatungpal iti warrant of arrest.
Ngem gapu ta saan a pinatgan ti Sandiganbayan ti kiddaw ni Marcoleta, inarestaren ti DILG ti senador.
Gapu ta saan a mapiansaan ti kaso a plunder, manamnama a mayakar ni Marcoleta iti New Quezon City Jail iti Barangay Payatas a yan da Sen. Jinggoy Estrada ken dati a senador Bong Revilla.
Sen. Marcoleta, naidarum iti plunder
Kalpasan ti pannakaarestar ni Marcoleta, sumaruno nga arestaren dagiti polis da dati a kongresman Mike Defensor, Aristotle Viray ken Joseph Espiritu, nangidonar iti ₱75 a milion ken ni Marcoleta. (Aaron Recuenco/Manila Bulletin//Lito Hilidon/Bannawag)
