Mabalin nga agtalinaed ni Senador Rodante Marcoleta iti Philippine National Police-General Hospital (PNPGH) iti las-ud ti dua ng aldaw, agingga a malpas ti panangtingiting kenkuana dagiti doktor.
Naipan ni Marcoleta iti kustodia ti polis ita nga aldaw, Hulio 6, kalpasan ti pannakaarestarna gapu iti kaso a plunder a naipila iti Sandiganbayan maipuon iti inawatna a ₱75 a milion.
Naitaray iti ospital ni Marcoleta idi agalenna ti ut-ot iti barukongna, ken ti panagngato ti presion ti darana kabayatan a maar-aramid ti booking procedure-na.
Segun ken ni Maj. Gen. Robert Alexander Morico II, daulo ti Criminal Investigation and Detection Group (CIDG), an-annadanda ti kasasaad ni Marcoleta a 72 ti tawennan.
Ti Sandiganbayan ti mangikeddeng no pakaiditenaran ni Marcoleta, ngem kinuna ni DILG Secretary Jonvic Remulla a mabalin a maipan ni Marcoleta iti New Quezon City Jail iti Payatas a yan da Senador Estrada ken dati a senador Bong Revilla. (Aaron Recuenco/Manila Bulletin//Lito Hilidon/Bannawag)
