Dinutokan ni Presidente Marcos Jr. ni Benjamin "Benhur" Abalos Jr. kas Cabinet Secretary, segun ken ni undersecretary ti Presidential Communications Office (PCO) Claire Castro ita nga aldaw, Hulio 8.
Ti Cabinet Secretary ti maysa a pagsaadan nga inikkat idin ni Presidente Marcos iti panangrugi ti administrasionna, ngem insublina met laeng ita.
Nagpaay ni Abalos a kas sekretario ti Department of the Interior and Local Government (DILG) manipud 2022 agingga iti 2024.
Kas Cabinet Secretary, annongen ni Abalos a tulongan ti presidente babaen ti panangipaayna iti pammagbaga mainaig kadagiti parikut iti national, local, ken inernasional a mangapektar iti kasasaad ti politika.
Nadutokan ni Abalos makatawen kalpasan a saan a nagballigi iti panagngayangayna kas senador idi Mayo 2025 iti sidong ti partido ni Marcos nga Alyansa Para sa Bagong Pilipinas. (Argyll Cyrus Geducos/Manila Bulletin//Lito Hilidon/Bannawag)
