Agtuloy latta ti impeachment trial ni Bise Presidente Sara Duterte iti laksid ti panangidatagna iti petision iti Korte Suprema (SC) tapno maipasardeng daytoy.
Iti maysa a press conference, kinuna ni panakangiwat ti Impeachment Court a ni Reginald Tongol a kalintegan ti asino man ti dumatag iti Korte nga agsapul iti pamuspusan, ket no adda maipaulog a temporary restraining order (TRO), pagbobotosan dagiti senador daytoy.
Kinuna ni Tongol a likliklikan ti Senado ti constitutional crisis, idinto a raemen ti ehekutibo, lehislatibo, ken hudikatura ti maysa ken maysa ken saan pay a nabalusingsing daytoy a panagraem.
Inlawlawag ni Tongol nga agingga nga awan ti ipaulog ti SC a TRO wenno status quo ante order, agtuloy latta ti impeachment trial ni Duterte. (Dhel Nazario/Manila Bulletin//Lito Hilidon/Bannawag)
